Моҳ наздиктарин ҳамроҳаки табиӣ ба Офтоб мебошад чун ду сайёраи наздиктар ба хуршед - Уторид ва Зуҳра моҳ надоранд.
Масофаи миёна байни Замин ва моҳ ҳудуди 384 ҳазор километрро ташкил медиҳад. Ин ягона ҳамрадифи табиии Замин аст, ки бар асари тобиши нури Хуршед медурахшад ва дар ҳар 29,5 шабонарӯз як бор ба гирди Замин мегардад.
Моҳ пас аз Офтоб дуюмин ҷирми бонури осмонист, ки дар Замин метобад ва яке аз ҳамрадифҳои калонтарини системаи офтобӣ ба ҳисоб меравад. Бар асоси донишномаи озод, инчунин ягона объекти ғайризаминист, ки ба он пои инсон расидааст.
Моҳ аз рӯи мадори худ ҳаракат карда, дар муддати 30 шабонарӯз аз байни Офтобу Замин як маротиба мегузарад. Дар ин вақт Моҳ нав мешаваду пас аз ду рӯз дар қисми ғарбии осмон дар шакли дос ё хатти нимдоира аз нав намудор мешавад.
Моҳтоб аз худ нур намебарорад, лекин шабона барои он ба назари мо равшан менамояд, ки нурҳои Офтоб ба сатҳи Моҳтоб расида, акс мешаванд.