ДУШАНБЕ, 13 фев – Sputnik. Заминларзаи дуюм, ки рӯзи 12 феврал Тоҷикистонро такон дод, соати даҳи шаб рух дод.
Бар хабари идораи зилзилашиносии Тоҷикистон, шиддати заминларза дар Душанбе ба 2-3 дараҷаи Рихтер баробар буд.
Гуфта мешавад, заминларзаи мазкур талафоти ҷонӣ ва хисороти молӣ дар пай надошт.
Манбаъ меафзояд, маркази зилзила дар 420 - километр дуртар аз ноҳияи Мурғоби Вилояти Мухтори Кӯҳистони Бадахшон, дар қаламрави Чин сар зад.
Қувваи ларзиши замин дар маркази он ба 5- 6 дараҷаи Рихтер баробар будааст.
Зимнан, шаби 12 феврал тақрибан соати 00:43 дақиқа низ дар Тоҷикистон заминҷунбӣ рух дода буд.
Маркази он 42 километр шарқтар аз шаҳри Хоруғ рух дод ва қувваи он ба 5 баллро ташкил медод. Ин заминҷунбӣ ҳам аз тарафи маркази зилзиласанҷии Русия ва ҳам Ӯзбекистон сабт шудааст.
Маркази Русия қувваи заминҷунбиро 4,6 балл, вале маркази зилзиласанҷии Ӯзбекистон онро 5 балл арзёбӣ кард.