ДУШАНБЕ, 10 фев — Sputnik. Масъулини Кумитаи дин, танзими анъана ва ҷашну маросимҳо имрӯз зимни нишасти матбуотӣ таъкид доштанд, ки нашри китобҳое, ки равияҳои экстремистиву террористӣ доранд дар қаламрави Тоҷикистон манъ аст.
“Масалан ташкилоти террористии ДОИШ як силсила китобҳои тарғиботӣ дорад, ки бо истифдаи оятҳои қуръонӣ ва ҳадисҳои набавӣ мехоҳад амалҳои худро дуруст нишон диҳад, яъне ҷиҳод, шаҳид шудан ва кушатани мусалмонон ҳақ аст. Чунин маводҳои тарғиботӣ аз ҷониби аксари ташкилотҳои террористӣ ба назар мерасад”, - қайд карданд масъулини Кумитаи дин.
Ба гуфтаи масъулини Кумитаи дин, бештари маводҳое, ки дар Тоҷикистон нисбати онҳо хулосаи манфӣ дода шудааст, маводҳое ҳастанд, ки дар шабакаи интернет нашр ёфтанд.
"Шахсон ва гурӯҳҳои муайян барои паҳн кардани ҳамин гуна маводҳои ифротӣ, даъватҳои оммавӣ барои барҳам додани сохти конститутсионӣ, фаъолияти экстремести машғул ҳастанд. Аз ҷониби мақомоти ҳифзи ҳуқуқ муайян карда мешаванд ва дар асоси гузаронидани ташхиси диншиносӣ ба онҳо хулосаи дахлдор дода мешавад”, - қайд шуд дар нишасти матбуотӣ.
Ҳамзамон Кумитаи дин зикр кард, ки маводҳои дорои сиёсиро ташхис намегузаронанд.
Кумита танҳо маводҳои Ҳизбут-таҳрир, ДОИШ, Ҷабҳат-ан-нусра, Ансоруллоҳ, равияҳо ва ташкилотҳое, ки бо қарори суди олӣ фаъолияти онҳо дар ҳудуди Тоҷикистон манъ карда шудааст, таҳлил менамояд.
Масъулин гуфт, ҳатто маводҳое ҳаст, ки ба ягон ташкилот рабт надорад.
"Мо ба маводҳои шахсоне, ки мақсадҳои ғаразнок доранд ба воситаи паҳн кардани фикру андешаҳои худаш бо истифодаи ояту ҳадисҳо фатвоҳои дуруғин ё фатвоҳое, ки хилофи мазҳаби Ҳанафӣ ҳаст хулосаи манфӣ медиҳем”, - зикр карданд масъулини Кумитаи дин зимни нишастӣ матбуотӣ.