ДУШАНБЕ, 5 фев — Sputnik. Гурӯҳи занони ғоратгарро дар Кубани Русия боздошт карданд, хабар медиҳад Вазорати корҳои дохилии вилояти Краснодар.
Тибқи тафтишот, зани 53-сола бо духтаронаш мардони муҷаррад (ва баъзан занҳо) -ро пайдо карда, ба эътимоди онҳо медаромадааст. Баъзан маълумотро дар бораи қурбониён шиносашон "бевазани сиёҳ", сокини 57-солаи Новокубанск, ки ба хариду фурӯши манзил машғул буд, пайдо мекард.
Нақшаи асосии қаллобашон чунин буд: гумонбаршуда бо ҷабрдидагон ақди никоҳ мебаст ва духтаронаш ҷабрдидагонро "коркард" намуда, онҳоро маҷбур карданд, ки хайрия, васиятнома ё ваколатнома барои фурӯхтани амволи худро супоранд.
Гурӯҳи муташаккили ҷиноятпеша пулро дуздида, дар ниҳоят амволи ғайриманқулро дар шакли қитъаҳои замин, биноҳои истиқоматӣ ва манзилҳое, дар ҳудуди Армавир, Краснодар ва Сочиро ба даст оварданд. Ҳаҷми умумии "сарват" - и гурӯҳ аз 21,7 миллион рубл бештар аст.
Дар айни замон, 12 далели ҷиноятҳои аз ҷониби гурӯҳи ҷиноятӣ содиршуда муайян карда шудааст. 11 қурбонии "бевазани сиёҳ" дар солҳои 2013-2019 вафот карданд.