Дар бархе аз навоҳии Олмон сатҳи оби дарёҳо боло рафта, дар сартосари мамлакат обхезии шадидро ба вуҷуд овардааст.
Бар асоси иттилои расмӣ, сатҳи оби дарёи Рейн дар самти шимол аз шаҳри Келн боло рафта, аз ҷумла Дюсселдорф, Дейсбург ва Везелро фаро гирифтааст.
Дар қисмати ҷануби Олмон заминҳои Рейнланд-Пфалтс ва Гессен мавриди обхезӣ қарор гирифтаанд.
Дар пайи болоравии сатҳи об то як муддат инчунин ҳаракати киштиҳо дар дарёи Рейн мутаваққиф шуд, чун ҳаракат аз зери пулҳо аллакай хатарнок шуда буд.
Сокинони ноҳияҳои шарқии Саксония ба ҳимояи манзилҳои истиқоматии худ аз офати табиӣ хеста, гирду атрофи хонаҳояшонро бо халтаҳои хокӣ девор бардоштанд. Дар ин қисмат низ оби дарёи Свёнитс аз соҳил берун рафта, ба хонаҳои мардум таҳдид эҷод кард.
Бар асосии пешгӯии ҳавошиносони олмонӣ, то рӯзҳои истироҳат вазъ метавонад ба далели болоравии сатҳи оби дарёҳо бадтар шавад.
1 / 10
Абри болои дарёи Рейн дар Келн
© AP / Martin Meissner
