ДУШАНБЕ, 1 фев – Sputnik. Дар вилояти Хатлон ҳодисаҳои худкушии мактабхонон дар соли 2020 афзоиш ёфтааст. Дар ин бора намояндагони Раёсати маорифи ин вилоят зимни нишасти матбуотӣ хабар доданд.
Ба изҳори Малика Шукурзода, як масъули раёсати мазкур ҳодисаҳои худкушии хонандагон дар муқоиса ба соли 2019 9 ҳолат зиёдтар аст.
Шукурзода мегӯяд, соли гузашта 33 хонандаи мактаб бо ҳар роҳу усул даст ба худкушӣ заданд.
"Аз миёни 33 хонандае, ки худкушӣ карданд, 18 писарбача ва 15 духтар буданд", - таъкид шуд дар нишасти хабарӣ.
Зимнан,дар ҷараёни нишаст таъкид шуд, ки аз ҳама беш ҳолатҳои худкушӣ миёни мактаббачагон дар ноҳияи Вахш ба қайд гирифта шудааст. Дар ин ноҳия дасти кам 4 кӯдак ба ҷони худ қасд карданд.
Ҳамчунин, се ҳолатӣ дар ноҳияҳои Левакант, Хуросон, Қубодиён ва Шаҳритуз ба қайд гирифта шудааст.