ДУШАНБЕ, 7 янв – Sputnik. Байден беш аз 270 раъйи зарурии интихобкунандагонро барои интихобот ба даст овард.
Муайян гардид, ки Байден дар интихоботи президентӣ 306 раъй ба даст оварда, кишвардори феълӣ Доналд Трамп танҳо 232 овоз гирифт.
Ноиби сарвазир Майк Пенс натиҷаҳои интихоботро эълон кард. Демократҳо натоиҷи интихоботро бо кафкӯбии бардавом истиқбол карданд. Худи Пенс бошад кафкӯбӣ накард ва эҳсосотеро нишон надод.
Тасдиқи конгресс ниҳоят доираи конститутсионии ҳама гуна мушкилот ба натиҷаҳои интихоботи президентиро мебандад.
Ҷо Байден, президенти нави ИМА дар пахши мустақил ваксинаи COVID-19-ро зад
Ба ҳамин минвол, Байден расман кишвардори Амрико баргузида шуда, маросими савгандёдкунии ӯ рӯзи 20 январ сурат мегирад.
Ошӯбҳо дар Вашингтон
Тасдиқи натиҷаҳои интихобот дар Конгресс дар пасманзари ошӯбҳои бесобиқа барои Вашингтон сурат гирифт. Як рӯз пеш аз ин президенти кунунӣ Доналд Трамп дар гирдиҳамоии ҳазорон тарафдоронаш баромад карда, бори дигар изҳор дошт, ки интихобот тақаллуб шудааст ва худи ӯ низ таслим шуданӣ нест.
"Шояд комилан баръакс": Сиёсатшинос оид ба маслиҳат ба Байден дар бораи Русия
Дар натиҷа, ҳазорҳо ҷонибдорони Трамп ба Капитолий омада, бо полис даргир шуданд ва сипас ба бино ворид шуданд. Полис алайҳи онҳо гази ашковар ва норинҷаки ҳайратоварро ба кор бурд. Чор нафар ҳалок шуданд - як зан, собиқадори нерӯҳои ҳавоии Иёлоти Муттаҳида, аз ҷониби як корманди полис ҳадафи тир қарор гирифт, вай дар беморхона ба ҳалокат расид.