ДУШАНБЕ, 29 дек — Sputnik. Дар Тоҷикистон толибилмони макотиб дар моҳи январ 10 рӯз истироҳат хоҳанд кард, хабар медиҳад SugdNews бо такя ба маълумоти раёсати маорифи вилояти Суғд.
Таътили зимистона аз рӯзи якуми моҳи январ шурӯъ мешавад ва то 10 уми ҳамин моҳ идома меёбанд.
Маълум шуд, тоҷикистониён дар Соли нав чанд рӯз истироҳат мекунанд
Хонандагони тоҷик рӯзи 11- уми январ дубора сари мизу курсии мактабӣ ҳозир мешаванд.
Манбаъ меафзояд, дар давраи таътили зимистона, марҳилаҳои минтақавии олимпиадаҳои мактабӣ гузаронида мешаванд. Инчунин барои мактаббачагон чорабиниҳои варзишӣ, маҳфилҳо ва сексияҳо ташкил карда мешаванд.
Санаи таътили тирамоҳӣ дар мактабҳо эълон шуд: муаллимон чаро кор мекунанд?
Таъкид мешавад, ки таътили оянда аллакай фасли баҳор сурат мегирад ва ҳамагӣ як ҳафта аз 25 то 31 март тӯл мекашад.