ДУШАНБЕ, 27 дек — Sputnik. Сарвазири Арманистон Никол Пашинян дар саҳифаи иҷтимоии худ дар фейсбук ба ҳукумати кишвар пешниҳод кард, ки дар соли 2021 интихоботи пешазмуҳлат баргузор шавад.
Ӯ қайд кард, ки агар мардуми кишвар бихоҳад ӯ омода аст, истеъъфо диҳад.
"Омодаам дар чунин таърихи душвор дар сурати эътимоди мардум раҳбарии Арманистонро идома диҳам. Барои посух гирифтан ба ҳамаи саволҳо танҳо як роҳ аст - баргузории интихоботи ғайринавбатӣ", - изҳор дошт Пашинян.
Ба гуфти сарвазир, мухолифин, ки талаби истеъфои ӯро доранд, аз ҷониби мардум дастгирӣ наёфтанд. Дар баробари ин онҳо барои баргузории ин чорабиниҳо маблағ доштанд.
Пашинян қайд кард, ки тарафдорони мухолифин хеле кам шуд.
"Ҳеҷ кас гуфта наметавонад, ки мо ҳокимиятро бо истифода аз қувва ва бераҳмӣ нигоҳ доштем", - гуфт ӯ.
Ёдовар мешавем Арманистон ва Озарбойҷон бо миёнаравии Маскав ба мувофиқа расиданд, ки амалиёти ҷангиро комилан қатъ кунанд ва зиндониён ва ҷасадҳои мурдагонро иваз кунанд.
Пашинян худро ҷавобгар барои Қарабоғ хонду гуфт, пеши додгоҳи мардумӣ бояд муҳокима шавад
Ереван инчунин ноҳияҳои Келбаҷар, Лочин ва Агдамро ба Боку дод. Ғайр аз ин, дар минтақа посдорони сулҳи Русия мустақар шуданд.