ДУШАНБЕ, 17 дек — Sputnik. Амали мазкур дар заминаи дастуру супоришҳои Ҳукумати Ҷумҳурии Тоҷикистон ва раиси шаҳри Хуҷанд роҳандозӣ гардидааст, тавзеҳ додааст котиботи раиси шаҳри Хуҷанд.
Гуфта мешавад, гурӯҳҳои корӣ аз намояндагони раисони кумитаҳои маҳаллаҳои шаҳр ва кормандони масъули шабакаҳои барқӣ иборатанд.
"Зимни мулоқот дар маҳаллаи Навбаҳори шаҳри Хуҷанд аз сокинони ин маҳалла даъват ба амал оварда шуд, ки бояд ҳар оила ба истифодаи оқилонаву сарфакорона ва мақсадноки неруи барқ эътибори ҷиддӣ диҳад. Ҳамагонро зарур аст, ки баҳри кам кардани талафоти неруи барқ аз таҷҳизоти каммасраф истифода баранд", - тавзеҳ медиҳад манбаъ.
Директори шабакаҳои барқи шаҳри Хуҷанд, Рустам Пӯлотов баён дошт, ки “чанд соли охир аст, ки бо дастгирии давлату Ҳукумати мамлакат фаъолияти Шабакаҳои барқии шаҳр бо амалишавии лоиҳаҳои грантӣ дар самти сарфакории неруи барқ бештар ба роҳ монда шудаст".
Раҳмон аз таъмини барқ гуфту ба сокинон ҳушдор дод: "лимит" ҷорӣ мешавад, агар...
Аз ҷумла бори аввал дар Тоҷикистон низоми биллингӣ дар соҳаи энергетика роҳандозӣ гардид.
Амалишавии лоиҳаи мазкур имкон дод, ки тамоми таҷҳизоти барқрасони шабакаҳои барқии шаҳри Хуҷанд таҷдиду навсозӣ шуда, 2 адад зеристгоҳи нави барқӣ бунёд, талафоти неруи барқ паст ва шиддатнокии он беҳтар гардад.