ДУШАНБЕ, 13 дек — Sputnik. Котиби матбуоти президенти Русия Дмитрий Песков овозаҳо дар бораи он, ки дар замони пандемия Владимир Путин дар бункери махсус зиндагӣ мекунад, рад кард.
Ба гуфтаи ӯ, сарвари Русия ҳоло дар Ново-Огарево, дар ҳамон ҷое зиндагӣ мекунад, ки пештар ба сар мебурд.
"Ӯ дар онҷо зиндагӣ мекунад, аксар вақт дар он ҷо кор мекунад, аз он ҷо ба Кремл меояд, аз он ҷо - на он қадар зиёд, ки ӯ мехост - аммо ба ҳар ҳол ба сафарҳои корӣ парвоз мекунад", - гуфт Песков.
Песков дар ин бора дар филми "Вируси хатарнок. Соли аввал" -и Ноилӣ Аскер-заде дар канали "Россия-1" нақл кардааст.
Владимир Путин аз нақши махсуси Тоҷикистон зикр кард - видео
Песков инчунин гуфт, ки президент аз ташхисҳои коронавиурс ҳамон қадаре, ки табибон талаб мекунанд, мегузарад.
Песков инчунин ошкор кард, ки чӣ гуна президенти Русия Соли навро ҷашн мегирад.
"Ман ба шумо бо эътимоди зиёд гуфта метавонам, ки вай мисли ҳарсола Соли навро дар ҳалқаи наздикону дӯстонаш пешвоз мегирад", - гуфт .