ДУШАНБЕ, 13 декабр - Sputnik. Муҳаққиқони амрикоӣ муайян карданд, ки хамираҳои дандоншӯӣ бо руҳ ва қалъагӣ қодиранд давоми ду дақиқа коронавирусро 99,9% безарар гардонанд.
Натиҷаҳои озмоишҳои лабораторӣ дар British Dental Journal нашр шудаанд.
Дар саросари ҷаҳон дар як шабонарӯз беш 233 ҳазор нафар гирифтори коронавирус шуданд
Илова бар таъсири ошкоршудаи хамираи дандоншӯӣ, тахминҳое, ки дар ҷараёни як таҳқиқоти дигар ба даст омадаанд, тасдиқ шуданд, ки шустани даҳон бо хлориди сетилпиридиний вирусро низ дар ним дақиқа безарар мегардонад.
"Натиҷаҳо нишон медиҳанд, ки баъзе хамираҳои дандоншӯӣ ва шустани даҳонҳо метавонанд муваққатан миқдори вируси SARS-CoV-2 - ро дар даҳон коҳиш диҳанд", - изҳор доштанд олимон.
Дар пурсишҳо 260 нафар беморон бо ташхиси тасдиқшудаи коронавирус ширкат варзиданд. Ҳамаи онҳо аз хамираи дандоншӯӣ ва шустани даҳон истифода мекарданд.
Қаблан, олимони Донишгоҳи Кейптаун муайян карда буданд, ки чӣ гуна ҷинсият ба ҷараёни коронавирус таъсир мерасонад. Ба гуфтаи онҳо, мардон назар ба занҳо бештар аз маризӣ мефавтанд.
Омори охири гирифторӣ, шифо ва фавт аз коронавирус дар Тоҷикистон
То санаи 12 декабр, шумораи умумии гирифторони коронавирус дар ҷаҳон 71.497.714 нафарро ташкил медиҳад.
Ҷойи аввалро аз рӯи шумораи сироятёфтагон Иёлоти Муттаҳида ишғол мекунад, 16 295 714 нафар дар он ҷо бемор шуданд. Пас аз он Ҳиндустон (9,827,026) ва Бразилия (6,836,313) ҷойгиранд.