ДУШАНБЕ, 10 дек — Sputnik. Ин се парвози чартерии “Сомон Эйр” аз самти Сургут, Маскав ва Новосибирск буданд ва мебоист дар Фурудгоҳи байналмилалии Душанбе нишинанд, аммо бинобар вазъи ногувори боду ҳаво натавонистанд.
Юсуф Маюнусов, котиби матбуоти Фурудгоҳи Хуҷанд дар шарҳи ин ҳолат ба Sputnik Тоҷикистон гуфт, се тайёраи ширкат соати 2-и шаб фуруд омад.
“Вақти вориди Тоҷикистон шудан ба халабонҳо хабар медиҳанд, ки дар Душанбе имкони нишастан нест, зеро тумани ғафс шаҳрро фаро гирифтааст, бинобар ин онҳо дар Фурудгоҳи байналмилалии Хуҷанд нишастанд”, - гуфт, Юсуф Маюнусов.
Ба иттилои манбаъ, дар ҳолатҳои гирифтани туман бояд масофаи биниш 150 метр бошад, вагарна иҷозаи нишаст дода намешавад.
Ӯзбекистон парвозҳоро бо Аврупо ва дигар кишварҳо аз сар мегирад: рӯйхат
Ба гуфтаи ӯ дар ҳолати шаби гузашта ин нишондод ҳатто 10 метр ҳам набудааст ва бо ин сабаб на хатти сабз намудор буду на дигар нишонаҳо барои фуруд омадан.
Ӯ гуфт, ҳавопаймоҳо ҳоло дар фурудгоҳи Хуҷанд қарор доранд ва ҳамин, ки аз Душанбе оид ба беҳ шудани ҳаво хабар расид, дубора ба пойтахт бармегарданд.