ДУШАНБЕ, 9 дек — Sputnik. Ба нақл аз сомонаи Авесто, дар Тоҷикистон 284 нерӯгоҳи барқи обии хурд вуҷуд дорад, ки ки аз ин теъдоди 100 нерӯгоҳ фаъол нест.
Гуфта мешавад далели фаъолият накардани ин нерӯгоҳҳои хурд, сохти ин марокиз дар маҳалҳои номуносиб бидуни баррасиҳои коршиносӣ ва илмӣ ва дар назар нагирифтани камбуди об дар фаслҳои зимистон ва дар фасли тобистон, ки об барои ниёзи киштукор лозим аст.
Барқ мешавад?: Конибодом тамоми шабакаҳои барқиро ба зимистон омода кард
Дар соли 2000 бо кӯмаки молии ниҳодҳои байналмилалии раванди сохти нерӯгоҳҳои барқӣ обии хурд дар Тоҷикистон оғоз шуд, ки акнун маълум шудааст, ки ин барнома бидуни баррасиҳои коршиносӣ будааст.
Мақомоти ширкати давлатии Барқи тоҷик мегӯянд ,ки дар 10 моҳи нахусти имсол дар нерӯгоҳҳои барқи обии ин кишвар 16 миллиарду 151,1 миллион киловатт соат барқ тавлид шудааст, ки дар муқоиса бо давраи мушобеҳи соли қабл 6 дарсади коҳиш нишон медиҳад.