ДУШАНБЕ, 7 дек — Sputnik. Тибқи иттилои Вазорати тандурустӣ, шабонарӯзи гузашта 49 ҳолати нави гирифторӣ ба коронавирус сабт шуд.
Теъдоди бемороне, ки рӯзи гузашта аз коронавирус шифо ёфтанду аз беморхонаҳо мураххас шуданд, 48 нафарро ташкил медиҳад.
Вазорати тандурустӣ афзуд, аз 12 ҳазору 469 беморе, ки аз охири апрел то шоми 7 декабр ба қайд гирифта шуданд, 11 ҳазору 881 нафар шифо ёфтанд.
Манбаъ таъкид намуд, ки тайи шабонарӯзҳои охир теъдоди фавтидагон аз ин маризӣ афзоиш наёфта, ҳамоно 87 нафарро ташкил медиҳад.
Бар асоси омори ироанамудаи Вазорати тандурустӣ ва ҳифзи иҷтимоии аҳолии Тоҷикистон айни ҳол дар ҷумҳурӣ 501 нафар гирифтори коронавирус мебошанд.