ДУШАНБЕ, 21 ноя — Sputnik.Тибқи Ожонси омори Тоҷикистон, дар ин давра ба ҷумҳурӣ 19 тонна кӯмаки башардӯстона ба арзиши 41,7 миллион доллар ворид шудааст.
Аз тамоми кӯмакҳои ироашуда ба Тоҷикистон 41,8 дар сади марбут ба Чин, 9,9 дар сад Ӯзбекистон, 9,8 дар сад Туркия, 7,7 дар сад Ҳинд, 6,6 дар сад Русия, 4,5 дар сад Қазоқистон аст.
Ҳамзамон ба Тоҷикисстон дар ин давра кишварҳои Дания, Голландия, Шветсария, Амрико, Кореяи Ҷанубӣ, Олмон, Финландия, Белгия, Камбоджа ва ва ғайра кӯмакҳои башардӯстона ироа кардаанд.
Илова бар ин Душанбе зарфи ин муддат аз Созмонҳои молии байналмилалӣ кӯмакҳои билоивази молӣ дарёфт кардааст.
Бинобар гузориши Вазорати тандурустӣ ва ҳифозати иҷтимоии Тоҷикистон, ин кишвар ҳамчунин аз Бонки ҷаҳонӣ 11,3 миллион доллар, Бонки тавсиаи осиёӣ ҳудуди 2 миллион доллар, Бонки тавсиаи исломӣ 350 ҳазор доллар ва ... дарёфт кардааст.