ДУШАНБЕ, 18 окт — Sputnik. Соли 2020 шумораи муҳоҷирон дар Маскав 40% коҳиш ёфтааст, гуфт мири шаҳр Сергей Собянин.
Ба гуфтаи ӯ, ин вазъ ба шуғл дар хадамоти шаҳр таъсир гузоштааст.
"Мушкиле вуҷуд дорад - дар Маскав муҳоҷирон хеле кам ҳастанд, 40 фоиз. Ин ба бозори меҳнат таъсир мерасонад, алахусус ба он корҳое, ки муваққатан ишғол карда мешаванд, масалан тоза кардани барф. Ин кори дастӣ: бел, ҷорӯб, пора. На ҳама москвагиҳо барои чунин кор омодаанд"- шарҳ дод Собянин.
Қаблан раиси шаҳр таваҷҷӯҳро ба хуруҷи муҳоҷирон аз Маскав ҷалб карда буд.
Ӯ гуфт, ки вазъ аз пандемияи коронавирус ба вуҷуд омадааст, ки ба ин далел Русия маҷбур буд ҳаракати ҳавоии байналмилалиро бубандад.
Собянин гуфт, Маскав бе муҳоҷирон ба чӣ мушкил мувоҷеҳ шудааст
Дар натиҷа, ҳазорон шаҳрвандони Тоҷикистон натавонистанд барои кор ба кишвар ворид шаванд. Илова бар ин, бисёр хориҷиён дар ин замон дар пайи ихтисорҳо бекор буданд.
Соянин қаблан низ гуфта буд, ки норасоии дасти муҳоҷиронро дар соҳаи сохтмон аз мушкилоти асосии Маскав аст, ки даҳҳо ҳазор коргар дар ин соҳа намерасад.
Генерал Валентина Казакова шарҳ дод, чигуна ҳуқуқи муҳоҷирон ҳимоят хоҳад шуд
Бино ба пешбинии шаҳрдор масъалаи норасоии муҳоҷирон дар соҳаи сохтмон соли оянда ҳал хоҳад шуд.