ДУШАНБЕ, 15 окт — Sputnik. Бино ба иттилои дафтари матбуотии Оҷонсӣ, Нарзиев дар вазифаи назоратчӣ-барқчии зеристгоҳи “Навбаҳор”-и Шабакаҳои барқии ноҳияи Синои шаҳри Душанбе кор карда истода, даст ба чунин кор задааст.
Манбаъ мегӯяд, Нарзиев дар давоми солҳои 2018-2020 аз шаҳрванд Рабиева Х.Т. ва писари ӯ - Рабиев Д.Н. бо роҳи фиреб ва суиистифодаи боварӣ, яъне барои иваз намудани ҳисобкунаки барқӣ, пардохти маблағи барқи истифодашуда ва барасмият даровардани шарти техникӣ, дар чанд ҳолат маблағи умумии 3950 сомониро гирифта тасарруф намуда, бо ин кирдораш ба номбурдагон зарари ҷиддии модӣ расонидааст.
Барқдуздӣ: боздошти кормандони Хадамоти алоқа ва 20 корманди шабакаҳои барқӣ - видео
Оҷонсӣ мегӯяд, дар ин асос нисбати Нарзиев А.Н. бо моддаи 247 қисми 2 бандҳои “а,в,г” Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, тафтиши пешакии он идома дорад.