ДУШАНБЕ, 2 окт — Sputnik. Генерал-лейтенанти милитсия Валентина Казакова, таъкид дошт, ки дар Русия дар сатҳи қонунӣ ҳамаи ҳуқуқҳо танзим шудаанд.
“Агар мо дар бораи шаҳрвандони кишварҳои узви Иттиҳоди иқтисодии АвруОсиё гӯем, онҳо имкон доранд дар баробари шаҳрвандони Русия кор кунанд. Онҳо бо шаҳрвандони Русия ҳуқуқи баробар доранд. Муҳоҷирони кишварҳое, ки узви ин Иттиҳод нестанд, дар сурати ба расмият даровардани фаъолияти худ дар қаламрави Русия аз чунин ҳуқуқҳо низ бархӯрдор мешаванд”, - гуфт сардори Сарраёсати масъалаҳои муҳоҷирати Вазорати корҳои дохилии Русия.
Вай таъкид дошт, ки барои шаҳрвандони хориҷӣ муҳим он аст, ки қоидаҳои муқаррагардидаро риоя намоянд ва бо имзои шартномаи меҳнатӣ ва шартномаи иҷораи хона ҳуқуқҳои худро ҳимоят намоянд.
Путин созишномаи муҳоҷират бо Тоҷикистонро имзо кард
“Дар Русия ҳар муҳоҷир имкон дорад тариқи қодекси меҳнатӣ ё судӣ аз ҳуқуқҳои худ дифоъ кунад”, - зикр кард генерал-лейтенанти милитсия Валентина Казакова.