ДУШАНБЕ, 14 сен — Sputnik. Дар ин бора худи Нигина Амонқулова дар сафҳаи фейсбукияш хабар дод.
Хонум Амонқулова дар шарҳи ин тарона навиштааст: “Бо эҳтироми хосса ба бузугдошти санъати волои ҳунарманди мардумии кишварамон, Зафар Нозим як суруд аз эҷодиёташон барҳи Шумо азизон пешкаш мекунам”.
Бозхонии таронаи “Рафтам ба ҷустуҷӯят” ду рӯз қабл дар шабакаи “Ютуб” нашр гаштаву беш аз 50 ҳазор маротиба боздид шудааст.
Ин таронаро ҳунарманд дар ҳошияи тарҳи наваш "Legends live forever" бозхонӣ кардааст.
Ӯ дар доираи ин тарҳ қаблан таронаи ҳиндии
"Yeh Mera Prem Patra Padhkar"-ро бозхонӣ карда буд.
Зафар Нозим аз ҳунармандони саршиноси кишвар буд, ки дар тамоми қаламрави ҷумҳурӣ ҳаводорони хешро дошт.
Машҳуртарин таронаҳои ӯ "Эй сорбон, оҳиста рон", "Бигзор, то бигирям", "Зулайхо", "Модар" ва ғайра мебошанд.
Зафар Нозим дорандаи унвонҳои баланди Ҳунарманди мардумӣ ва шоистаи Тоҷикистон буд.
Номбурда, пас аз як бемории тӯлонӣ соли 2010 дар синни 70 солагӣ дар Душанбе аз олам даргузашт.