ДУШАНБЕ, 28 авг — Sputnik. Вазорати тандурустӣ ва ҳифзи иҷтимоии аҳолии Тоҷикистон мегӯяд, шабонарӯзи охир 82 нафар гумонбарон зери назорати табибон қарор дошта, 30 нафар баъд аз муолиҷа ба хонаҳояшон рухсат дода шуданд.
Гузашта аз ин, шабонарӯзи гузашта 32 ҳодисаи нави бемории COVID-19 дарёфт гардида, дар маҷмӯъ шумораи гирифторони ин беморӣ ба 8481 нафар баробар гардид.
Путин: ваксинаи дуюми Русия алайҳи коронавирус моҳи сентябр мебарояд
Ҳамзамон, то санаи 28 август дар мамлакат 7276 (85,7%) нафар аз бемории COVID-19 шифо ёфта, бар асари он 68 нафар фавтидаанд.
Маврид ба зикр аст, ки Ҳукумати Ҷумҳурии Тоҷикистон ва Вазорати тандурустӣ ва ҳифзи иҷтимоии аҳолӣ айни замон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд.