ДУШАНБЕ, 1 авг — Sputnik. Фарҳангиёни Тоҷикистон ба аҳли хонаводаи Рассоми халқии Тоҷикистон Шобутолибов Шобутолиб изҳори таслият кард, хабар медиҳад Вазорати фарҳанг.
"Вазорати фарҳанги Ҷумҳурии Тоҷикистон ва аҳли фарҳангу ҳунар нисбати вафоти рассом-таҳиягари Театри давлатии академии драмавии ба номи А. Лоҳутӣ, Рассоми халқии Тоҷикистон Шобутолибов Шобутолиб андӯҳгин буда, ба пайвандони марҳум изҳори ҳамдардӣ менамоянд", - омадааст дар хабарнома.
Ёдрас мешавем, ки Шобутолибов Шобутолиб дар синни 70--солагӣ аз олам даргузашт.
Шобутолибов Шобутолиб Шоиброимхонович рассоми театри тоҷик 30 майи соли 1950 дар деҳаи Поршневи ноҳияи Шуғнони ВМКБ таваллуд шудааст.
Ҳамдардии вазири фарҳанг бо хонаводаи Амонулло Қодиров
Ӯ соли 1989 ба унвони Арбоби шоистаи ҳунари Тоҷикистон мушарраф гардидааст. Омӯзишгоҳи рассомии ба номи М. Олимови шаҳри Душанберо соли 1971 ва Институти давлатии театр, мусиқӣ ва кинематографияи Ленинградро соли 1978 хатм намудааст.
Аз соли 1978 дар Театри давлатии академии драмаи тоҷик ба номи А. Лоҳутӣ кор кардааст.
Намоишномаҳои гуногун, аз ҷумла «Ваня-тағо»-и А.П. Чехов, «Дар чорроҳа»-и Н. Табаров, «Баҳроми Чўбина»-и Т. Аҳмахонов, «Драмаи миллат»-и С. Аюбӣ, «Хоҷа сагпараст»-и Ҷ. Қуддус ва ғайраҳоро ороиш додааст.