ДУШАНБЕ, 25 июл — Sputnik. Сар аз 28 июл, Ӯзбекистон коҳиши воридоти нерӯи барқро аз Тоҷикистон бо таҳвил аз Туркманистон ҷуброн мекунад ва инчунин режими маҳдуд кардани истеъмоли дохилиро ҷорӣ мекунад.
Аз 21 июли соли ҷорӣ дар системаи энергетикӣ байни қувваи барқи истеҳсолшуда ва истеъмолшуда дар Ӯзбекистон номутобиқатӣ ба миён омад. Сабаби қатъи муваққатии интиқоли барқ дар ҷумҳурӣ ин якбора коҳиш ёфтани ҳаҷми воридоти нерӯи барқ аз системаи энергетикии ҳамсояи Тоҷикистон мебошад ", - навиштааст дар сафҳаи Telegram-и ин ниҳод.
Тибқи иттилои ширкат, воридоти шабонарӯзии нерӯи барқ бинобар нарасидани об дар обанборҳои Тоҷикистон дар тобистон ба ҳисоби миёна аз 12 миллион кВт / соат то 0.3 миллион кВт / соат кам шудааст.
"Бо мақсади ба эътидол овардани ин вазъ, Шабакаҳои миллии барқи Ӯзбекистон дар доираи ваколатҳои худ бо ширкати “Туркманэнерго” созишнома оид ба воридоти нерӯи барқ ба имзо расонид. Ин таҷриба 28 июл дар назар аст сурат бигирад", омадааст дар хабар.
Манбаъ мегӯяд, бинобар нарасидани об дар Ӯзбекистон, истихроҷи нерӯи барқ дар нерӯгоҳҳои барқии кишвар низ ҳар рӯз 6-7 миллион кВт / соат коҳиш ёфтааст ва сарборӣ ба нерӯгоҳҳои гармидиҳӣ низ афзудааст, ки онҳо дар тобистон фаъолона таъмир карда мешаванд.
Гуфта мешавад, дар ду соли охир, Ӯзбекистон воридоти нерӯи барқро аз кишварҳои ҳамсояи Осиёи Марказӣ барои қонеъ кардани эҳтиёҷоти аҳолӣ ва саноат, хусусан ҳангоми сарбории баланд дар зимистон, дубора оғоз кард.
Фармони Раҳмон: нархи неруи барқ, об ва алоқа то охири соли 2020 баланд намешавад
Соли 2018 воридот аз Қирғизистон ва Тоҷикистон аз нав барқарор карда шуд, моҳи июли соли 2019 - аз Қазоқистон дар доираи иштирок дар кори системаи энергетикии Осиёи Марказӣ ва моҳи феврали соли ҷорӣ бошад, аз Туркманистон.
Вазорати энергетикаи Тоҷикистон қаблан гуфт, дар шаш моҳи аввали имсол Тоҷикистон 358 миллион киловатт соат барқ ба арзиши 7 миллион доллар ба Ӯзбекистон содир карда ва 144 миллион метри мукааб гази табиӣ аз Ӯзбекистонро ба арзиши 17 миллион доллар ворид кардааст.
Ёдрас мешавем, ахиран мақомоти кишвар эълом дошт, ки аз аввали соли ҷорӣ Тоҷикистон ҳаҷми содироти қувваи барқро ба кишварҳои ҳамсоя тақрибан 40% кам кард.
Гуфта мешавад, даромад аз фурӯши нерӯи барқ ба кишварҳои ҳамсоя дар панҷ моҳи соли ҷорӣ қариб 15,8 миллион долларро ташкил дод, ки ин нисбат ба моҳҳои январ то майи соли гузашта 39,9 фоиз камтар аст.
Дар ҳамин давраи соли гузашта ба маблағи беш аз 26,3 миллион доллар нерӯи барқ ба хориҷа фурӯхта шуда буд.