ДУШАНБЕ, 16 июл — Sputnik. Заминҷунбӣ имрӯз, соати 13:45 бо вақти маҳаллӣ дар вилояти Суғд, дар деҳоти Қаро-Кенҷа ба қайд гирифта шуд. Дар ин бора маркази заминларзашиносии California Earthquake Authority хабар медиҳад.
Ин аллакай дувумин ҳодисаи заминҷунбӣ дар ин минтақа тайи моҳи равон аст. Маркази заминларза 19 километр дуртар аз минтақаи аҳолинишин ҷойгир шудааст. Қувваи он 4,3 баллро ташкил додааст.
Ҳамчунин имрӯз аз чунин ҳодисаи табиӣ дар Қирғизистон, Қазоқистон, Русия, Олмон ва Амрико ба қайд гирифта шудааст.
Расонаҳои Ӯзбекистон низ хабар доданд, ки сокинони кишвар имрӯз заминларзаро ҳис карданд.