ДУШАНБЕ, 29 июн — Sputnik. Туркманистон 63-солагии президент Қурбонгулӣ Бердимуҳаммадовро ҷашн мегирад, ки дар ҷаҳони ислом ин сана ҳамчун синни пайғамбар Муҳаммад (с.а.с) арзёбӣ мешавад, хабар медиҳад рӯзномаи ҳукуматии русзабон "Нейтральный Туркменистан".
"Имрӯз, пешвои миллат Ҳоҷӣ Аркадаг 63-сола мешавад. Ин сана дар ҷаҳони ислом муқаддас дониста мешавад ва синни Паёмбар аст. Расидан ба ин синну сол шарафи бузург ва саолдат аст", - менависад рӯзнома.
Нашрия як қатор барқияи табрикотӣ аз сарони давлатҳои ҷаҳонро нашр кардааст, ки миёнашон шодбошии президенти Тоҷикистон Эмомалӣ Раҳмон низ ҳаст.
Дар баробари президенти Тоҷикистон Бердимуҳаммадовро ҳамчунин Владимир Путин, раисиҷумҳури Русия, президенти Чин Си Ҷинпин, президенти Ӯзбекистон Шавкат Мирзиёев, президенти Қазоқистон Қосим Жомарт Тоқаев, президенти Қирғизистон Сооронбой Жээнбеков, президенти Озарбойҷон Илҳом Алиев, президенти Арманистон Армен Саркисян, президенти Украина Владимир Зеленский, президенти Беларус Александр Лукашенко табрик кардаанд.
Марзҳои Эрону Туркманистон ва Ӯзбекистон бозгушоӣ мешаванд
Бо фарорасии синни пайғамбарӣ Бердимуҳамедовро, порлумони Туркманистон, ҳукумат ва шахсони масъули дастгоҳи президент низ табрик кардаанд.
Интизор меравад, имрӯз дар Ашқобод ба муносибати зодрӯзи президент консерти идона баргузор шавад, хайрияҳо дода шаванд ва дигар чорабиниҳо баргузор гарданд.