ДУШАНБЕ, 8 июн – Sputnik. Бо амри раисиҷумҳур, Низомӣ Нурулло мушовири бахши Ёрдамчии Президент оид ба масъалаҳои кадрҳо таъйин гардид.
Давлатзода Музаффар Салим мушовири калони бахши Ёрдамчии Президенти Ҷумҳурии Тоҷикистон оид ба масъалаҳои кадрҳо таъйин карда шавад, омадааст дар амри дигари Эмомалӣ Раҳмон.
Инчунин Раҷабиён Сайфиддин Шамсӣ муовини сардори Раёсати кор бо мақомоти идоракунии маҳали Дастгоҳи иҷроияи Президенти Ҷумҳурии Тоҷикистон таъйин шуд.
Бо қарори Ҳукумат, Ҳайдарзода Абдулло Саидшо дар мақоми директори корхонаи воҳиди давлатии “Савдо ва хӯроки умумӣ”-и Дастгоҳи иҷроияи раисиҷумҳур Роҳбар Майдонзодаро иваз кард, ки бо сабаби ба кори дигар гузаштанаш аз вазифаи мазкур барканор гардид.
Инчунин Расулзода Ҳомидҷон Ҳасан бо сабаби ба кори дигар гузаштанаш аз вазифаи директори Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон озод карда шуда, ба ҷои ӯ Дӯстзода Диловаршо Саидаҳмад директори Агентии обуҳавошиносӣ таъйин шуд.