ДУШАНБЕ, 8 июн — Sputnik. Бино ба иттилои дафтари матбуотии ин ниҳод, гумонбар дар пайи баргузории чорабиниҳои оперативӣ-ҷустуҷӯӣ аз ҷониби кормандони милитсия дастгир карда шуд.
Ба иттилои манбаъ, ҳодиса тахминан соати 08:30-дақиқа дар дохили бозори марказии шаҳри Кӯлоб рӯх додааст.
Манбаъ мегӯяд, боздоштшуда аз рӯи хусумати пешакӣ бо марди 43-солаи сокини шаҳри мазкур ҷангу ҷанҷол карда бо корди хоҷаги 15-маротиба ба узвҳои баданаш зада, аз ҷойи ҳодиса ғайб мезанад.
Гуфта мешавад, дар натиҷа ҷабрдида ба саломатиаш ҷароҳатҳои вазнини ҷисмонӣ бардошта ҳангоми ба беморхона дастрас кардан ба ҳалокат мерасад.
Вуд мегӯяд, айнизамон гумонбаршаванда дар боздоштгоҳ қарор дошта, тафтишот идома дорад.