ДУШАНБЕ, 6 июн — Sputnik. Вазорати умури дохилии Тоҷикистон аз боздошт намудани ҷавони 26 - сола хабар медиҳад, ки дар расонидани ҷароҳати ҷисмонӣ ба сокини шаҳри Конибодом муттаҳам дониста мешавад.
Ба иттилои котиботи Вазорати умури дохилии Тоҷикистон, ҳодисаи мазкур рӯзи 5 - уми июн тахминан соати 09:00 дақиқа дар назди осоишгоҳи "Гулобод" рух додааст.
Хостам тарсонам: боздошти Пулодов барои кордкашӣ ба сӯи додараш
"Марди 26-солаи сокини шаҳри Конибодом дар назди осоишгоҳи "Гулобод" бо марди 28-солаи сокини шаҳри мазкур вохӯрда, аз сабаби муноқишаи ба миён омада, бо корд 1-маротиба ба қафаси синааш зада, ҷароҳати ҷисмонӣ расонидааст", - таъкид мешавад дар хабар.
ВУД Тоҷикистон мегӯяд, дар натиҷа ба ҷабрдида зарари вазнин ба саломатӣ расонидааст.
Нисбати гумонбаршаванда парвандаи ҷиноятӣ бо моддаи 110 қисми 1 Кодекси ҷиноятии Ҷумҳурии Тоҷикистон оғоз гардида, тафтишот идома дорад.