ДУШАНБЕ, 5 июн – Sputnik. Бино бар иттилои дафтари матбуоти Вазорати умури дохилаи Тоҷикистон, кормандони милитсия марди 33 соларо, ки пеш бо моддаи 244 Кодекси ҷиноятии Тоҷикистон маҳкум шуда буд барои сӯиқасд ба ҷони падари худ боздошт шуд.
Тавре манбаъ қайд кардааст, ахиран ба ШВКД-1 дар ноҳияи Шоҳмансур марди 63-солаи сокини пойтахт муроҷиат намудааст, ки санаи 3-юми июни соли равон, дар хонаи истиқоматиашон бо писараш муноқиша ба миён омад.
“Бинобар сабаби муноқишаи ба миён омада писараш, марди 33-солаи сокини ҳамон ҷо, ки пеш бо моддаи 244 Кодекси ҷиноятии Тоҷикистон суд шуда буд, бо ӯ ҷангу ҷанҷол карда, бо корди ҳоҷагӣ 1-маротиба ба қафаси синааш задааст”, - таъкид дошт ВКД.
Ҳамзамон манбаъ қайд кард, ки дар натиҷа ҷабрдида ҷароҳати вазнини ҷисмонӣ бардошта, ба беморхона бистарӣ карда шудааст.
Кормандони милитсия пойтахт аз руи ин ҳодиса тафтишотро идома дорад.