ДУШАНБЕ, 22 май – Sputnik. То соати 19:30 дақиқаи 22 май дар Тоҷикистон 2551 нафар бо ташхиси сирояти коронавируси нави COVID-19 ошкор гардида, аз ин беморӣ то кунун дар мамлакат 1089 нафар шифо ёфтаанд.
Ҳамзамон, теъдоди ҳолатҳои фавти беморони мубтало ба ин вирус бетағйир боқӣ монда, 44 нафар мебошад, гузориш медиҳад Вазорати тандурустии Тоҷикистон.
То имрӯз дар мамлакат 3151 нафар зери назорати табибон қарор дошта, дар як шабонарӯзи охир 455 нафар пас аз шифо ёфтан ба хонаҳояшон рухсат дода шуданд.
"Дар ин лаҳзаҳои ҳассос аз тамоми сокинони кишвар даъват ба амал оварда мешавад, ки ҷиҳати пешгирии сирояти мазкур пеш аз ҳама, қоидаҳои беҳдошти шахсиро қатъиян риоя намоянд, зеро, дар урфият беҳуда нагуфтаанд, ки табиби ҳар шахс худи ӯст", - таъкид мекунад вазорати тандурустӣ.
Хушхабари Вазорати тандурустӣ: 70 нафар шифо ёфта, ҷавоб шуданд
Ёдрас мешавем, ба ҳолати 21 - уми май дар ҷумҳурӣ 2350 ҳолати гирифторшавӣ ба маризии коронавирус сабт гардида, омори муриш ба 3 тан зиёд шуда буд.