ДУШАНБЕ, 14 май — Sputnik. Дар назди Вазорати тандурустӣбо мақсади сари вақт пайдо намудани гирифторони COVID-19 ва ба табобат фаро гирифтани онҳо телефонҳои боварӣ бо рақамҳои 511 ва 311 ташкил шудаанд.
Шаҳрвандоне, ки ба вируси корона сироят ёфтаанд, метавонанд мутахассисони телефони боварӣ муроҷиат намоянд.
Тавре Вазорати тандурустӣ хабар медиҳад, имрӯз Шодихон Ҷамшед, муовини Вазири тандурустӣ масъалаи фаъолияти телефонҳои боварии марказҳои саломатии пойтахтро баррасӣ намудааст.
"Бояд масъулини телефонҳои боварии марказҳои саломатӣ мутахассисоне таъйин карда шаванд, ки тавонанд ба муроҷитакунандагон тавсияҳои дуруст ва дақиқ диҳанд", - қайд кардааст муовини вазир.
Шаҳрвандон низ метавонанд дар ҳолати пайдо шудани нишонаҳои сирояти коронавирус ба табибони оилавӣ ва маркази саломатии маҳалли худ занг бизананд.
Муроҷиати раиси Хатлон ба тоҷирону доруфурӯшон: аз вазъияти пешомада сӯйистифода накунед
Вазорати тандурустӣ мегӯяд, мақсад аз ташкили телефони боварӣ, қабул намудани муроҷиати шаҳрвандон ва фавран расонидани ёрии аввалини тиббӣ дар назди марказҳои саломатии шаҳри Душанбе мебошад.