ДУШАНБЕ, 8 май – Sputnik. Ҳашт вирусшинос ва эпидемиологҳои Ӯзбекистон, ки дар мубориза бо коронавирус таҷриба доранд, барои кӯмак ба ҳамкасбони тоҷикашон ба Душанбе омаданд, хабар медиҳад Sputnik Ӯзбекистон.
Гуфта мешавад, гурӯҳи кормандони тиб аз духтурони ботаҷриба иборат буда, миёни онҳо реаниматсионист, анестезиологҳо, пулмонологҳо, эпидемиологҳо, мутахассисони бемориҳои сироятӣ ва вирусшиносон мебошанд.
Сафари онҳо бахше аз кумакҳои башардӯстонаи Ӯзбекистон ба Тоҷикистон аст, ки ҳадафи он мубориза бо паҳншавии сирояти бемории коронавирус аст.
Коршинос гуфт, Ӯзбекистон чихел метавонад дар мубориза бо COVID-19 ба Тоҷикистон ёрӣ кунад
Дар назар аст, ки табибони ӯзбек ба ҳамкасбони тоҷикашон дар ташкили дурусти пешгирии COVID-19 кӯмак мерасонанд, инчунин назорати беморони гирифтори коронавирусро муқаррар мекунанд ва табобати дурустро барои онҳо муаян мекунанд.
Мутахассисон аз ҷониби Ӯзбекистон бо ҳавопаймои ҳарбии Вазорати дифои кишвар омадаанд.
Ёдрас мешавем, ки санаи 5 май президентҳои Тоҷикистон ва Ӯзбекистон Эмомалӣ Раҳмон ва Шавкат Мирзиёев телефонӣ дар бораи паҳншавии сирояти коронавирус дар минтақа гуфтугӯ карданд ва ба мувофиқа расиданд, ки дар мубориза алайҳи COVID-19 якҷоя кор кунанд.