ДУШАНБЕ, 15 апр - Sputnik. Бар пояи оморҳое, ки субҳи имрӯз нашр гардид теъдоди гирифторони коронавирус дар Ӯзбекистон ба 1214 нафар мерасад.
Ин дар ҳолест, ки Вазорати тандурустии Ӯзбекистон сотаи 15:30-и рӯзи гузашта аз гирифтор шудани 1113 нафар хабар дода буд.
Ба иттилои манбаъ, ҳамчунин аз ин беморӣ 14 нафари дигар сиҳат шудаанд, ки чор нафарашон аз Бухоро ва даҳ нафари дигарашон дар Тошканд будаанд. Шумори умумии шифоёфтагон то ҳол ба 99 нафар ва фавт аз ин беморӣ ба чор нафар мерасад.
Ёдовар мешавем, ки дар нимаи моҳи март дар Ӯзбекистон аввалин ҳолати сирояти коронавирус ба қайд гирифта шуд. Беморӣ дар духтаре пайдо шуд, ки аз Фаронса баргашт.
Сар аз 1 - уми апрел дар Тошканд ва дигар манотиқ қарантин эълон шуд. Шаҳрвандони аз 60 - сола боло ҳаққи ба берун баромаданро надоранд.