Душанбе, 27 март - Sputnik. ИМА аз ҳисоби теъдоди зиёди маризони коронавирус аз Чин ҳам пеш гузашт. Акнун дар ҷаҳон кишваре, ки шаҳрвандонаш аз ҳама беш ба ин маризӣ гирифторанд, ИМА мебошад.
Ин маълумотро донишгоҳи Ҷон Ҳопкинг мунташир намудаст.
Ба гузориши донишгоҳи мазкур, дар Амрико акнун 85,4 ҳазор нафар дардманди ин беморӣ гардидаанд, дар ҳоле, ки ин рақам дар Чин ба 81,3 ҳазор нафар баробар аст.
Шумори гирифторони коронавирус дар ҷаҳон аз ним миллион гузашт: ИМА дар ҷойи аввал
Аммо кишвардори Амрико Доналд Трамп мегӯяд, ки сабаби барзиёд сабт гардидани маризон дар Амрико, ин баргузории ташхиси оммавӣ мебошад. Чун дар ин кишвар ҳамаи шаҳрвандонро барои гирифтор будан ва ё набуданашон ба коронавирус аз ташхис гузаронданд.
Ахиран Созмони Ҷаҳонии Беҳдошт, рӯзи 11 – уми март маризии коронавирусро пандемия эълон кард. Бар тибқи маълумоти СҶБ дар ҷаҳон беш аз 406 ҳазор нафар ба коронавирус мублато гардидаанд, ки аз ин миён зиёда аз 20 ҳазор дардманд фавтидаанд.