ДУШАНБЕ, 20 мар — Sputnik. Дар ин маросим Маъруф Муҳаммадзода, раиси шаҳри Хуҷанд ва Консули генералии Русия дар Хуҷанд Андрей Варламов иштирок карда, гиромидошти хотираи қаҳрамонони ҶБВ - ро бо шинонидани ниҳол ифода намуданд.
Андрей Варламов гуфт, пирӯзӣ бар ҷанг муқобили фашизм, ин ғалабаи умумии ҳамаи мо мардуми собиқ Иттиҳоди Шӯравӣ аст, зеро барои расидан ба ин комёбӣ зиёд касоне, аз худ ҷоннисориҳо нишон додаанд.
“Ташаккур ва сипос ба бобоёнамон, иштирокчиёни ҶБВ, ки дар муқобили оташи ҷанг аз худ қаҳрамониҳо нишон доданд ва имрӯз мо ҳама дар фазои осоиштаи сулҳ дар кишварҳои худ зиндагӣ мекунем. Рӯҳи онҳое, ки дар ҶБВ ҳалок шуданд, ҳамеша шод бод”, - зикр намуд, Варламов.
Маъруф Муҳаммадзода, раиси Хуҷанд афзуд, мо ҳамеша аз иштирокчиёни ҷанги мудҳиши солҳои 1941-1945, ки чи гуна аз баҳри ҷони худ гузашта корномаҳо нишон доданд, ҳеҷ гоҳ фаромӯш намекунем.
Чунин корномаҳои онҳо, имрӯз барои насли ҷавон беҳтарин намунаи ватандӯстӣ буда метавонад.
Иван Иванов, роҳбари маркази илм ва фарҳанги Русия, (Россотрудничество) дар Хуҷанд зикр намуд, ки маъракаи ниҳолшинонӣ дар Боғи ғалабаи Хуҷанд бо ташаббуси якҷояи ниҳоди онҳо ва ҳукумати шаҳри Хуҷанд роҳандозӣ шудааст.
Бино ба гуфти ӯ дар ин маърака сокинон аз ҳисоби ҷавонони ташаббускор иштирок кардаанд.
Ба гуфтаи масъули Кунсули Русия дар Тоҷикистон чунин маъракаи ниҳолшинонӣ ба хотири солгарди 75-умини Иди Ғалаба ва озодсозии кишвари Молдова аз асорати немисҳо дар шаҳри Қатороғи Турсунзода дар Тоҷикистон баргузор карда мешавад.