ДУШАНБЕ, 19 мар — Sputnik. Бино ба иттилои дафтари матбуотии ин ниҳод, тасмими мазкур бо қарори Сардухтури давлатии санитарии Ҷумҳурии Тоҷикистон гирифта шудааст.
Ба иттилои манба, шаҳрвандони Тоҷикистон ва кишварҳои хориҷӣ, ки дар Чин, Эрон, Италия, Ҷумҳурии Корея, Афғонистон, Фаронса, Испания, Шветсия, Швейтсария, Британияи Кабир, Норвегия, Нидерланд, Олмон, Белгия, Дания ва Иёлоти Муттахидаи Америка қарор доштанд ва ба Тоҷикистон ворид мешаванд ба карантин равон карда мешаванд.
Манба мегӯяд, ин кор ба мақсади пешгирии сироят ва паҳншавии коронавируси нав (COVID-19) дар хоки Тоҷикистон буда шаҳрвандони омада аз кишварҳои номбурда ба муддати 14 рӯз ба карантин фаро гирифта мешаванд.
Вазорати корҳои хориҷӣ ҳамчунин гуфтааст, шаҳрвандони Тоҷикистон, ки дар хориҷи кишвар қарордошта метавонанд дар ҳолати зарурат ба намояндагиҳои дипломатӣ ва муассисаҳои консулӣ муроҷиат кунанд.
Мавриди зикр аст, ки чунин тасмимҳо ба хотири пешгирӣ аз сирояти коронавируст аст, ки қаблан аз ҷониби Созмони ҷаҳонии тандурустӣ пандемия элон шуд ва ҳоло беш аз 150 давлатро фаро гирифтааст.