ДУШАНБЕ, 12 мар – Sputnik. Бино бар иттилои дафтари матбуоти мақомоти вилояти Суғд, рӯзҳои 10 ва 11 июли соли равон дар шаҳри Хуҷанд Ярмаркаи VII-уми байналмилалии савдо “Суғд-2020” гузаронида мешавад.
Манбаъ қайд кардааст, ки ахиран дар ин бора қарори дахлдори Раҷаббой Аҳмадзода, раиси вилояти Суғд ба тасвиб расид.
“Ярмаркаи VII байналмилалии савдо “Суғд-2020” бо мақсади рушди ҳамкориҳои иқтисодиву тиҷоратӣ, баланд бардоштани нерӯи содиротӣ ва ҷалби сармоягузориву воридоти технологияҳои муосир, тақвияти ҳамкориҳои дуҷониба ва бисрёҷониба бо кишварҳои гуногуни олам ва шарикони рушд гузаронида хоҳад шуд”,- таъкид дошт манбаъ.
Аҳмадзода барои баргузории Ярмаркаи байналмилалии савдо "Суғд-2019" қарор содир кард
Ҳамзамон мақомоти вилояти Суғд зикр намудааст, ки дар доираи чорабинии мазкур инчунин ташкили форуми тиҷоратию сармоягузорӣ ва озмуни “Маҳсулоти беҳтарин” дар назар дошта шудааст.