ДУШАНБЕ, 3 мар — Sputnik. Интизор меравад, санаи 13 - уми марти соли равон, дар Душанбе иҷлосияи якуми Маҷлиси вакилони халқ баргузор шавад. Қарори мазкурро раиси шаҳри Душанбе Рустами Эмомалӣ ба тасвиб расонд.
Ба иттилои котиботи раиси шаҳри Душанбе, вакилон масъалаҳоро дар бораи тасдиқи Дастури Маҷлиси вакилони халқи шаҳри Душанб, тасдиқи Низомномаи комиссияҳои доимӣ ва муваққатии Маҷлиси вакилони халқи шаҳри Душанбе, таъсиси комиссияҳои доимии Маҷлиси вакилони халқӣ, интихоби раис ва аъзои онҳо, таъсиси комиссияи муваққатии оид ба номгузорӣ ва номивазкунии маҳаллаҳо, кӯчаҳо майдонҳо, хиёбонҳо, боғҳо, пулҳо ва дигар қисмҳои таркибии маҳалҳои аҳолинишини шаҳри Душанбе баррасӣ мекунанд.
Рустами Эмомалӣ ба ВКД иҷозат дод: бонувони мошинрони Душанбе мусобиқа мекунанд
Ҳамзамон вакилон масоили таъсиси комиссияи муваққатии Маҷлиси вакилони халқ оид ба татбиқи Қонуни Ҷумҳурии Тоҷикистон "Дар бораи забони давлатии Ҷумҳурии Тоҷикистон", "Дар бораи пешбарии номзад ба аъзогии Маҷлиси миллии Маҷлиси Олии Ҷумҳурии Тоҷикистон" ва "Дар бораи тасдиқи қарорҳои Раиси шаҳри Душанбе" мавриди баррасӣ қарор медиҳанд.