ДУШАНБЕ, 2 мар — Sputnik. Бино ба иттилои дафтари матбуотии ВУД, кормандони милитсия марди 59 соларо дар пайи муроҷиати ҳамсари 35 солааш боздошт кардаанд.
“Ба ШВКД дар ноҳияи Кушониён бо ариза зани 35-солаи сокини ҷамоати шаҳраки Бӯстон-қалъаи ноҳияи мазкур муроҷиат намудааст, ки рӯзи 29-уми феврали соли 2020, тахминан соати 20:20-дақиқа, дар хонаи истиқоматиашон шавҳараш, марди 59-солаи сокини ҳамон ҷо, дар ҳолати мастӣ аз сабаби муноқишаи оилавӣ бо ӯ ҷангу ҷанҷол карда, бо корди дар дасташ буда, 6-маротиба ба аъзои баданаш задааст”,-афзудааст манбаъ.
Манбаъ мегӯяд, дар натиҷа ҷабрдида ҷароҳатҳои ҷисмонӣ бардошта, дар беморхона бистарӣ гардидааст.
Вазорати умури дохила мегӯяд, аз рӯи ҳодисаи мазкур тафтишот идома дорад.