ДУШАНБЕ, 20 фев — Sputnik. Дар Тоҷикистон бабри кӯҳиро наҷот доданд, хабар додааст раиси муассисаи "Кӯҳҳои Помир" Қурбон Аламшоев дар Фейсбук.
Ҳайвони ваҳшӣ дар ҷустуҷӯи хӯрок ба қишлоқи Ляхчи Ванҷ фаромадааст. Як ҳафтаи ахир бабр 6 гӯсфанд ва бузи сокинони маҳаллиро хӯрдааст. Сокинон дастаҷамъона бабрро муҳосира карданд ва дар оғиле баста, ба мақомотҳои дахлдор хабар доданд.
Раёсати ҳифзи муҳити зист бабри кӯҳиро барои тавонбахшӣ ба Хоруғ бурдаанд.
"Ин бабри мода каме пир аст - 12-13 сол дорад. Ӯ бемадор ва бемор асту ба кӯмакии фаврии бойторӣ ниёз дорад", - гуфтааст номзади илмҳои биологӣ Абдулназар Абдулназаров.
Феълан бабри барфии модаро дар боғи ваҳши пажӯҳишгоҳи бологии Помир нигоҳ медоранд. Ин ҳайвони нодирро камаш се моҳ табобат ва нигуҳубин сипас раҳо мекунанд.