ДУШАНБЕ, 13 янв — Sputnik. Дар нашриёти "Контраст"-и шаҳри Душанбе китоби нави соҳибкор Акрам Воҳидов ва доктори илмхои таърих, дипломати тоҷик Зафар Сайидзода бо номи "Мактаби сиёсии Пешвои миллат – чароғи роҳи пешрафт" ба забони тоҷикӣ чоп шуд.
Муаллифони китоб тазаккур медиҳанд, ки "инсонҳо, бавижа ҷавонон, дар ҳар замоне барои расидан ба муваффақият ва камоли инсонӣ ниёзманд ба намунаҳои ибрат ҳастанд. Дар кишвари мо шахсият ва корномаи Эмомалӣ Раҳмон беҳтарин сармашқҳо барои афроди ҷомеа дар тамоми арсаҳои зиндагӣ мебошанд".
Ятимов дар бораи насиҳатҳои Раҳмон: шоҳон меоянду мераванд
"Ахлоқи неку, меҳрубонӣ ба ҳамватанон, устуворӣ, фазилат, бурдборӣ дар рафъи мушкилот, ки аз вижагиҳои ахлоқии Пешвои миллат ҳастанд, метавонанд барои такомули фард – ҳамчун шаҳрванд ва ҳамчун инсони дорои ахлоқу маънавиёти баланд – нақши бузург ифо намоянд", - омадааст дар китоб.
Китоби мулоҳизаҳои Раҳмон дар бораи дунёи муосир ва сиёсати хориҷаи Тоҷикистон интишор шуд
Ин китобро, ки барои доираи васеи хонандагон таълиф шудааст, аз сомонаи интернетии Китобхонаи миллии Тоҷикистон ва дуконҳои китоби пойтахти кишвар метавон пайдо кард.