ДУШАНБЕ, 7 янв - Sputnik. Умарҷони Эмомалӣ, сардори Маркази матбуоти Вазорати корҳои дохилии Тоҷикистон муовини роҳбари дастгоҳи вазири корҳои дохилӣ таъйин гардид, иттилоъ додааст сомонаи рӯзномаи “Тоҷикистон”.
Бино бар иттилои манбаъ, таъйини ӯ ба ин вазифа чанд рӯз пеш бо фармони вазири корҳои дохилии Тоҷикистон генерал-полковник Рамазон Раҳимзода сурат гирифтааст.
Мабаъ зкир намудааст, ки ба ҷои Умарҷони Эмомалӣ Нусратулло Маҳмадзода, ки дар маркази матбуоти ВКД фаъолият мекард, таъйин гардид.
Тавра ин манбаъ қайд намудааст, Нусратулло Маҳмадзода таҷрибаи кор дар ВКД-ро дорад ва барномаи “Ахбори ВКД”-ро дар шабакаҳои телевизиони давлатӣ пеш мебурд.
Умарҷони Эмомалӣ соли 2016 бо фармони вазири корҳои дохилӣ сардори Маркази матбуоти ВКД таъйин шуда буд. Ӯ аз соли 1999 то кунун дар зинаҳои гуногуни ин вазорат фаъолият дошт ва полковники корҳои дохилӣ мебошад.