ДУШАНБЕ, 30 окт — Sputnik. Душанбе ба мавсиси гармидиҳӣ гузашт. Ҳамакнун шурӯъ аз 28 октябр Маркази барқу гармидиҳии шаҳри Душанбе-1 ва 2 ба интиқоли гармӣ ба бинову иншооти шаҳри Душанбе оғоз кард, хабар медиҳад агентии "Ховар"
Бар хабари манбаъ, феълан 350 иншоот ва манзилҳои истиқоматӣ бо гармӣ таъмин карда шуданд. Зимнан, гуфта мешавад, ки корҳои омодагӣ ба интиқоли гармӣ дар дигар бинову иншооти шаҳри Душанбе низ идома доранд.
Ҳукумати ҶТ: нархи гарморасонӣ аз 1 октябр гарон мешавад
Ҳадс зада мешавад, ки рӯзҳои наздик дегхонаҳои ғарбӣ ва шарқӣ низ ба кор оғоз мекунанд.
Қобили зикр аст, ки имсол 2180 бинову иншооти пойтахт бо гармӣ таъмин мешаванд. Маъмулан дар Тоҷикистон сар аз даҳаи сеюми моҳи октябр то мобайнҳои моҳи март таъмини манзили сокинони пойтахт бо гармӣ давом меёбад.