ДУШАНБЕ, 10 окт — Sputnik. Масири Помири Тоҷикисон ба 5 - гонаи зеботарин роҳҳои ҷаҳон шомил гардид, хабар медиҳад веб-даргоҳи худравҳои Русия
Ба иттилои гузоришгарон, дар ҷаҳон бузургроҳҳое ҳастанд, ки агар ронанда боре тариқи ин роҳҳо гузар кунад, ҳатман хоҳиши дигарбора убур кардани ин шоҳроҳҳо мекунад.
Савори қутос: хатсайри нави гардишгарӣ дар Мурғоб
Манбаъ меафзояд, дар радабандии зеботарин масирҳои ҷаҳон бузургроҳи Помир мақоми дуюмро касб намуд. Ин роҳ дар миқёси кишварҳои собиқ Шӯравӣ баландтарин масир ба ҳисоб меравад.
"Дар ин ҷо, дар баландии 3914 метр аз сатҳи баҳр, кӯли калонтарин дар Тоҷикистон - Қарақул, ки ягона истгоҳи роҳи дароз мебошад, ҷойгир аст. Барои убур кардани ин роҳ шояд як рӯз сарф шавад,аммо мафтун нашудан ба манзараҳои зебои табиии ин макон ғайриимкон аст" , - таъкид мешавад дар хабари манбаъ.
Зимнан ба 5 - гонаи зеботарин шоҳроҳҳои ҷаҳон калонтарин дара дар Аврупо - дараи Вердон дар Фаронса, шоҳроҳи Далтон-Ҳайвей дар Амрико, роҳи Трансфэгэраш дар Руминия ва бузургроҳи Чуйский дар Русия шомил гардиданд.
Пешниҳоди Панҷакенту Самарқанд барои сабт дар феҳристи ЮНЕСКО
Маврид ба зикр аст, ки соли гузашта Помир ба феҳрасти рӯихати "100 самти устувори ҷаҳонӣ" ворид шуда буд. Гузашта аз ин маҷаллаи амрикоии National Geographiс Traveler Помирро ба рӯихати маконҳои сайёҳӣ шомил намуда буд.