ДУШАНБЕ, 9 окт — Sputnik. Дар Тоҷикистон имрӯз, соати 15:44 дақиқаи ба вақти маҳаллӣ заминларза рух дод.
Тибқи иттилои Хадамоти геофизикии Академияи илмҳои Ҷумҳурии Тоҷикистон, маркази зилзила дар километри 253-юми қисмати ҷанубу шарқи Душанбе, дар ҳудуди Афғонистон воқеъ будааст.
Бино ба иттилои манбаъ, қувваи заминҷунбӣ дар марказ, аниқтараш дар Афғонистон 3-4 балл ва дар Душанбе 2 баллро ташкил дод.
"Заминҷунбӣ наздики 20 сония давом намуда, талафоти ҷонӣ ва хисороти молӣ дар пай надошт", - зикр гардидаст дар хабари манбаъ.