ДУШАНБЕ, 6 окт — Sputnik. Сарояндаи машҳури тоҷик Парвина Шукруллоева ахиран дар саҳифааш дар Instagram навори рақсашро ҳамроҳи писараш нашр кардааст.
Аз навор дида мешавад, ки Парвина Шукруллоева дар яке аз маросимҳои тӯйи хонаводагӣ қарор дорад ва таҳти навои овозхони тоҷик Валиҷон Азизов рақс мекунад.
"Валиҷон ба Шумо сипоси бепоён. Ҷашни моро ранги дигар бахшидед", - навиштааст Парвина.
Парвина Шукруллоева сарояндаи саршиноси тоҷик, ки солҳост аз саҳнаи санъат дур аст, пеш бо сароидани сурудҳо ба забони тоҷикӣ ва русӣ миёни мардуми Тоҷикистон шуҳрат дошт.
Яке аз сурудҳои машҳури охиринаш "Кӯлоби ман" буд, ки дар ҳамовозӣ бо ситораи санъати тоҷик Шабнами Сурайё иҷро шуда буд.