ДУШАНБЕ, 28 сен — Sputnik. Тибқи иттилои дафтари матбуотии шаҳрдори Хуҷанд, бо мақсади дастгирӣ ва рушди фаъолияти соҳибкории занони ҳунарманд ва эҷодкор ҳамасола грантҳои раиси шаҳр барои бонувони ҳунарманди шаҳр ироа мешавад.
“Соли ҷорӣ 40 нафар занони соҳибкор, ҳунарманд ва эҷодкор тибқи хулоса ва қарори ҳайати комиссияи грантӣ соҳиби гранти раиси шаҳр шудаанд”, - омадааст дар иттилоия.
Манбаъ афзуд, аз чумла 5 нафар дар ҳаҷми 8 ҳазор сомонӣ, 10 нафар дар ҳаҷми 5000 сомонӣ ва 25 нафар дар ҳаҷми 3000 сомонӣ грант гирифтанд.
Зимни супоридани грантҳо таъкид шудааст, ки ба хотири вусъат бахшидан ба эҳёи ҳунарҳои миллӣ соҳибкорони хушзавқи вилоят ва шаҳр аввалин шуда, ба ҷорӣ намудани қолинбофии хонагӣ, эҳёи ҳунарҳои миллии сӯзанидӯзиву адрасбофӣ иқдом намуданд.
Ҷӯрабек Муродов аз хонаи Садриддин Айнӣ мардуми тоҷикро бо Рӯзи истиқлол табрик гуфт
Дафтари матбуоти ҳукумати Суғд илова намуд, ки бо ташаббус ва дастгирии мақомоти иҷроияи ҳокимияти давлатии вилоят ва шаҳр дар муассисаҳои таҳсилоти ибтидоӣ, миёна ва касбӣ низ эҳё ва рушди ҳунарҳои миллӣ, курсҳои махсуси ҳунаромӯзӣ, бахусус барои духтарон ба роҳ монда шудааст.