ДУШАНБЕ, 28 авг — Sputnik. Имсол аз 28 -умин солгарди Истиқлолияти давлатии Тоҷикистон ҷашн мегиранд. Ба ин муносибат тоҷикистониён давоми се рӯз истироҳат хозанд кард.
Қарор ва изҳорот "Дар бораи Истиқлолияти давлатии Ҷумҳурии Тоҷикистон" санаи 9 сентябри соли 1991 дар иҷлосияи Шӯрои олии ҷумҳурӣ қабул шуда буд.
Расулзода макони ҷашни 28-солагии Истиқлолият бо ҳузури Президентро гуфт
Зимнан, мувофиқи қонун "Дар бораи рӯзҳои ид", санаи 9 сентябр рӯзи истироҳат эълон шуда, рӯзҳои пеш аз ин 7 ва 8 сентябр ба шанбе ва якшанбеи ҳафта рост меоянд.
Чорабиниҳои асосӣ дар Душанбе бахшида ба ҷашн шоми 9 сентябр дар маҷмааи "Наврӯзгоҳ" доир мегардад, ба сокинону меҳмонони пойтахт бо иштироки ҳунармандони шинохтаи кишвар намоиши театришуда пешкаш мешавад.
Қаблан шаҳрдори Душанбе Рустами Эмомалӣ тасмим гирифта буд, ки дар рӯзи ҷашни Истиқлолияти давлатии Тоҷикистон вуруд ба чорабиниҳо дар боғҳои фарҳангӣ- фароғатии пойтахт ба таври ройгон сурат мегирад.
Видеои оташбозӣ ‑ "фейерверк" -и идона дар Душанбе ба муносибати Истиқлолият
Гузашта аз ин бо тасмими Рустами Эмомалӣ барои ятимони кул ва камбағалон, тамошо аз боғу осорхонаҳои пойтахт ройгон ба роҳ монда мешавад.