ДУШАНБЕ, 3 авг - Sputnik. Бар хабари сомонаи CNN, раисҷумҳурони Русия ва Амрико дар охирин сӯҳбати телефонии худ масъалаи иваз намудан сафири феълии Амрикоӣ дар Федератсияи Русияро баррасӣ намуданд.
Бар хабари манбаъ, сарони ин ду давлат сари масоили иваз намудани сафир табодули назар намуданд, вале муайян накарданд, ки ҷойгузини сафири феълӣ дар Маскав кӣ интихоб мешавад.
Трамп ба Путин занг зад: сӯҳбати телефонии президентҳо
Хабаргузорӣ аз қавли як манбаъ дар маъмурияти президенти Амрико хабар медиҳад, ки омодагӣ ба иваз кардани намояндаи ин кишвар дар Русия чанд моҳ боз тӯл кашидааст.
Зимнан гуфта мешавад, ки сафири феълии Амрико дар Маскав Ҷон Ҳантсман ва ҳамсари ӯ моҳҳои охир барои дӯстон ва шиносони худ дар Маскав нишастҳои хайрибодиро доир мекунанд.
Трамп гуфт Путин "бачаи зӯр" аст
Ёдовар мешавем, ки гуфтушунидҳои охирини раисҷумҳурони Русияву Амрико Владимир Путин ва Доналд Трамп дар Ҷопон дар доираи нишасти G 20 баргузор шуда буд.
Он замон сӯҳбати сарони ду давлат як соату 20 дақиқа идома ёфт. Дар ҷараёни мулоқот раисҷумҳурон вазъи Украинаву Сурия ва ҳамчунин Эронро мавриди баррасӣ қарор доданд.