ДУШАНБЕ, 31 июл — Sputnik. Бар хабари дафтари матбуоти Додситони кулли Тоҷикистон, дар вилояти Суғд барои ба дарсҳо ҳозир нашудани хонандагон ду омӯзгори мактаб ҷаримабандӣ шуданд.
Бар хабари манбаъ, омӯзгорон дар Муасисаи таҳсилоти умумии миёнаи рақами №34 дар ноҳияи Бобоҷон Ғафуров дарс мегуфтанд.
Ҷаримаи Султоншоев ба маблағи 10 ҳазор сомонӣ
Қайд мегардад, ки муаллимон Матлуба Раҳматуллоева ва Файзулло Файзуллоев барои нақзи моддаи 90- и кодекси ҳуқуқвайронкунии маъмурии Тоҷикистон гунаҳкор дониста шуда, ҳар кадоми онҳо ба маблағи 220 сомонӣ ҷарима шуданд.
Коршиносон: омӯзгор набояд алфози қабеҳро ба забон орад
Манбаъ зикр намуд, чор нафар шогирдони Раҳматуллоева ба сурати умум дар 970 соат дарсҳо дар мактаб иштирок надоштаанд. Се шогирди Файзуллоев аз 42 то 93 соат дар машғулиятҳо ҳузур надошта, ба оворагардӣ машғул шудаанд.
Дар бораи чӣ гуна ҷазо гирифтани волидони хонандагон, ки ба дарсҳо ҳозир нашудаанд, маълумот дода намешавад.